HENNOPS NUUSBRIEF: 18 APRIL 2019
facebook cover 20190-4 APR.vreugde
Goeie dag

Ons hou U graag op hoogte wat in die kaalvoetskool gebeur.
Indien U nie ons nuusbrief of eposse op hierdie platform wil ontvang nie, klik hier onder om te kanselleer.

BABBELBEKKIE NUUSBRIEF
TEKEN AF | BESTUUR U SUBSKRIPSIE

facebook instagram 
uit-die-kantoor-banner-tr
Liewe Ouers
Hierdie naweek is Paasnaweek – op Vrydag vier ons die kruisiging van Jesus Christus, en op Maandag Sy opstanding uit die dood. Vir elke Christen het dit besondere waarde. Maar Goeie Vrydag is eers Vrydag – nie Donderdag nie.
Ek moet vir u baie eerlik sê: ek ervaar baie groot frustrasie met ouers wat my in kennis stel dat hulle hul kinders vandag uit die skool gaan hou, want dis langnaweek. Of hulle moet hul kinders vroeër kom haal, want dis langnaweek. Elke Vrydag lyk dit na pouse soos Kaapstad-stasie in ons voorportaal soos ouers hulle kinders vroeg kom haal, want hulle gaan iewers heen vir die naweek. More gaan geen uitsondering wees nie – inteendeel, ek dink dit gaan erger wees.
Ouers, hierdie skool sluit NIE vandag vroeër nie. Ons sluit gewone tyd – twintig minute voor twee. Ons gaan klasgee tot twintig minute voor twee. Ons skryf oor ‘n paar weke eksamen, en ons het baie werk om te doen voor dan. Ons verloor letterlik vyf skooldae hierdie kwartaal omdat daar so baie openbare vakansiedae is, maar ons eksamen moet steeds op die bepaalde tyd plaasvind. Daarom moet ons werk, soos voorgeskryf, klaar wees vóór die eksamen. Ek kan nie bekostig om kinders vroeg op vakansie te stuur nie.
As u hulle uit die skool hou vir vakansie of langnaweek, aanvaar ek dit so – dis u keuse, en ek respekteer u reg om daardie besluit te maak. Maar dan moet u nie vir my of my kollega kom vra om die werk wat u kind gemis het omdat hy op langnaweek was, op ‘n later stadium te verduidelik nie. Daardie werk is reeds verduidelik.
Laerskool Hennopspark sluit aan die einde van ‘n kwartaal om tienuur die oggend – ook net omdat ons moet. Ons sluit nie voor langnaweke vroeër nie – dit is onverantwoordelik, en geensins tot ons leerders se akademiese voordeel nie. As ander skole dit doen, is dit gaaf. Maar dit gaan nie hier gebeur nie.
So moet my asseblief nie vra om u kind vroeg te verskoon sodat u die verkeer Limpopo toe kan mis nie – ek kan nie toestemming gee nie. Ek sal kennis neem van u versoek, en dan is dit u verantwoordelikheid. Ek moes ook al op ‘n Paasnaweek Limpopo toe ry – ek weet hoe erg daai verkeer is, so ek het simpatie met almal wat dit moet doen.
Dankie dat ek met u daaroor kan praat. Jammer as u nie my sentimente hieroor deel nie.

Mag die wonder van Goeie Vrydag – met alles wat dit regtig beteken vir elke kind van die Here – hierdie naweek vir u en u kinders baie beteken.

As u ry – ry asseblief veilig.


Jannie Raath

Uitvoerende Hoof Laerskool Hennopspark
Donderdag: 18 April
Saal: Paasdiens
Angelsdag: Stuur asb produkte indien u kan

Vrydag :19 April
Vakansiedag: Goeie Vrydag
Maandag: 22 April
Vakansiedag - Familieding

Dinsdag: 23 April
Maandagrooster word gevolg
Junior Musieksterre Oudisies: 14:00 – 16:00
Netbalafrigtingskursus: 14:30 – 16:30

Woensdag: 24 April
Skaakliga

Donderdag: 25 April
Rugby en Netbal teen Garsfontein – weg
Mini-Hokkie: Ouervergadering: 17:00
Mini-Netbal teen Constantiapark - Weg

Vrydag: 26 April
Mini-Hokkie Kliniek en Afrigterskursus Gr 1 en 2: 14:00 – 17:00

Saterdag: 27 April
Vryheidsdag
Mini-Hokkie Kliniek en Afrigterkursus Gr 3:
9:00 – 12:00
facebook cover 20190-4 APR.vreugde

VERJAARSDAE

APRIL:

3 Twanette de Jager
6 Henrietta Schuld
9 Lize-Mari du Toit
10 Jannezelle Gamble
12 Bernise Odendaal
13 Juliet Horne
15 Ronel Mulder
23 Retha Nel
27 Antoinette Grobler
27 Linda van der Linde
28 Jan Coetzee
LAERSKOOL HENNOPSPARK SKOOLWAPEN en kleure

Uitkomtye


Graad R - 13:00
Graad 1 - 13:00
Graad 2 13:20 (Vrydae om 13:00)
Graad 3 13:30 (Vrydae om 13:00)
Graad 4 – 7 13:40 (Vrydae 13:10)


IS U SKOOLFONDS IN ORDE?

VOLG DIE SKAKELVIR 2019 FOOIE of kontak ADMIN
bontstaan_banner_wit

Hek 4 in Blackwoodstraat

TYE

Maandae tot Vrydae:

07:00 – 07:35

Maandae tot Donderdae:

12:45 – 13:50

NB:
Ouers moet asb ‘n brief saam met u kind stuur indien hy/sy klere wil koop. Ek kan hulle nie help as ek nie weet wat hulle nodig het nie. Ek kan ook nie verantwoordelikheid neem van geld wat weggeraak het of vir aankope wat verkeerdelik gedoen is nie.

Dankie
Melanie Geldenhuys (Sel: 0836547947)
angels_WIT_banner
Ouers wat finansieel kan bydra tot die Angel-projek, kan geld in die skool se rekening betaal met Angels as verwysing.
Ons vra asseblief vir bydraes. Hierdie projek voorsien slegs kos aan die behoeftige leerders van ons skool. U kan deurentyd produkte in die houer by die koskas plaas indien u iets wil stuur. Op Blougolfdae vra ons ’n grootse poging om voorraad in te kry.

VOORSTELLE: Angelprodukte:
Gr R Enige nie-bederfbare produkte
Gr 1 Mieliemeel, oats, graankosse, suiker
Gr 2 Pastasous, pasta, spaghetti, tamatiesmoor
Gr 3 Blikkieskos: Groente-, vleis-, tuna, baked beans
Gr 4 Soppoeier, cup of soup, sopblikkies, rys
Gr 5 Sout en souse soos: olie, tamatiesous, mayonaise
Gr 6 Lekkernye, koffie, tee en melk
Gr 7 Seep, tandepasta, toiletpapier, sjampoe, deodarant
Alle Grade Finansiële bydrae
LSH_borge
BARLOWORLD2 feb 2019
Easter nl insert School
VRIENDE VAN HANNOPS_TILE EN IMAGE

ADVERTENSIES

Vir advertensieplasings kontak: aalkema@hennops.com

Eagles Pamphlet A 2019
MCVDBerg
facebook cover 20190-1 ALG JAAR TEMA LIG

WEEK 3 - APRIL

Romeine 4:25
Hy is vanweë ons oortredings oorgelewer en Hy is opgewek sodat ons vrygespreek kan word.
1 Petrus 2:24
Hy het self ons sondes in sy liggaam aan die kruis gedra. Daardeur is ons vir die sondes doo den kan ons lewe in gehoorsaamheid aan die wil van God.
Romeine 6:8
Ons het saam met Christus gesterwe; daarom glo ons da tons ook saam met Homs al lewe.
Romeine 8:37
Maar in al hierdie dinge is ons meer as oorwinnaars deur Hom wat vir ons liefhet.
Galasiërs 2:20
En nou is dit nie meer ek wat lewe nie, maar Christus wat in my lewe.
facebook instagram