Speelsentrum is huidiglik slegs vir graad R en 1 leerlinge.

Die sentrum het ten doel om aan ons jong leerlinge, ’n veilige en sorgsame omgewing te bied vir nasorg in die middae.
Die kernfokus van die Speelsentrum is vir Graad R en Graad 1 -leerlinge,
om ná skoolure die geleentheid kry om in ’n omgewing te wees waar speel, ontspanning en kindwees die hoofdoel is.

Ons wil hê die sentrum moet ’n “huis weg van die huis af” wees, waar kinders geborge voel en hulle sosiale, emosionele en kreatiewe vaardighede deur speelse aktiwiteite verder kan ontwikkel.

Die Speelsentrum word Maandae tot Vrydae
vanaf 13:00 tot 17:00, met ’n grasietydperk van 15 minute tot 17:15 bedryf.
Tydens vakansies sal die Speelsentrum gedeeltelik oop wees op ʼn voldag basis
vanaf 8:00 tot 17:00.
Geen akademiese program word tydens vakansies gevolg nie. Die speelsentrum is slegs vir ingeskrewe leerders van Laerskool Hennopspark se graad R’e en 1’s

Die Sentrum beskik oor gekwalifiseerde personeel. Die sentrumhoof hanteer algehele koördinering en administrasie. Die span bestaan uit gekwalifiseerde onderwysers van Laerskool Hennopspark wat spesifiek op vroeë kinderontwikkeling fokus en ook die Graad-1 leerlinge kan bystaan met hulle huiswerk. Hulle word ondersteun deur interns wat aktief betrokke is by die daaglikse versorging en begeleiding van die kinders.